ભારત-પાકિસ્તાન તણાવ અને તુર્કિયેનો ખુલ્લો સપોર્ટ : PM મોદીની નવી કૂટનીતિ, તુર્કિયેને તેના જ સ્ટાઈલમાં જવાબ
નવી દિલ્હી, શુક્રવાર : ભારતની વિદેશ નીતિ હંમેશા સ્પષ્ટ રહી છે – “જેવું કરશે, તેવું ભરશે.” પાડોશી દેશ પાકિસ્તાન સાથેના તણાવ વચ્ચે તુર્કીએ ખુલ્લેઆમ પાકિસ્તાનનું સમર્થન કર્યું છે. પરંતુ હવે ભારતે પણ તુર્કીને ઘેરવાની રણનીતિ તૈયાર કરી લીધી છે. આ રણનીતિની શરૂઆત થશે વડાપ્રધાન નરેન્દ્ર મોદીની સાયપ્રસ યાત્રાથી. આ યાત્રા ન માત્ર ભારત-સાયપ્રસ સંબંધોને મજબૂત કરશે, પરંતુ તુર્કીની ચિંતા પણ વધારશે.
ભારત-પાકિસ્તાન તણાવ અને તુર્કિયેનો ખુલ્લો સપોર્ટ
2025માં પહલગામ આતંકી હુમલા પછી ભારત અને પાકિસ્તાન વચ્ચે તણાવ ચરમસીમાએ છે. ભારતે પાકિસ્તાન સામે કડક પગલાં લીધા છે – જેમાં સિંધુ જળ સંધિનું સસ્પેન્શન, રાજનૈતિક સંબંધો ઘટાડવા, વિઝા સર્વિસ બંધ કરવી અને સરહદ બંધ કરવી જેવા નિર્ણયો સામેલ છે. આ દરમિયાન તુર્કિયે ખુલ્લેઆમ પાકિસ્તાનને સપોર્ટ કર્યો છે, માત્ર નિવેદન જ નહીં પણ ડ્રોન અને અન્ય મિલિટરી સાધનો પણ આપ્યા છે.
PM મોદીની નવી કૂટનીતિ: તુર્કિયેને તેના જ સ્ટાઈલમાં જવાબ
તુર્કિયે જ્યારે ભૂકંપ જેવી આપત્તિમાં હતો ત્યારે ભારતે તરત જ ‘ઓપરેશન દોસ્ત’ ચલાવીને તુર્કિયેને મદદ કરી હતી. પરંતુ હવે તુર્કિયેની હરકતો સામે ભારતે પણ તેના આંતરિક મુદ્દાઓને આંતરરાષ્ટ્રીય સ્તરે ઉઠાવવાનો પ્લાન બનાવી લીધો છે. ખાસ કરીને માનવાધિકારના ઉલ્લંઘન અને સાઇપ્રસના મુદ્દે ભારત તુર્કિયેને ઘેરવાનો છે.
PM મોદીની સાઇપ્રસ યાત્રા: તુર્કિયે માટે મોટી ચિંતા
15-17 જૂન, 2025 દરમિયાન PM મોદી G7 સમિટ માટે કેનેડા જવાના છે, પરંતુ તેના પહેલા તેઓ સાઇપ્રસની મુલાકાત લેશે. સાઇપ્રસ અને તુર્કિયે વચ્ચે વર્ષોથી વિવાદ છે – 1974માં તુર્કિયેના હુમલા પછી સાઇપ્રસ બે ભાગમાં વિભાજિત થયું હતું. ગ્રીક સાઇપ્રસને આંતરરાષ્ટ્રીય માન્યતા છે જ્યારે તુર્ક સાઇપ્રસને માત્ર તુર્કિયે જ માન્યતા આપે છે. PM મોદીની આ મુલાકાત તુર્કિયેના રાષ્ટ્રપતિ એર્દોગાન માટે મોટી ચિંતા બની શકે છે, કારણ કે ભારત સાઇપ્રસને ખુલ્લો સપોર્ટ આપી શકે છે.
ભારતની કૂટનીતિ: તુર્કિયેને આંતરરાષ્ટ્રીય સ્તરે ઘેરવાનો પ્લાન
ભારત યુનાઇટેડ નેશન્સમાં તુર્કિયેના માનવાધિકાર ઉલ્લંઘનના મુદ્દે અવાજ ઉઠાવી શકે છે.
સાઇપ્રસ અને આર્મેનિયા જેવા દેશો સાથે સંબંધો મજબૂત કરીને તુર્કિયે પર દબાણ વધારી શકે છે.
તુર્કિયેના આંતરિક મુદ્દાઓને વિશ્વ સમક્ષ લાવીને તેની ઇમેજને નુકસાન પહોંચાડી શકે છે.
ભારતનો માસ્ટરસ્ટ્રોક
PM મોદીની સાયપ્રસ યાત્રા ભારતની વિદેશ નીતિનો એક મહત્ત્વનો ભાગ છે. આ યાત્રા દ્વારા ભારત ન માત્ર સાયપ્રસ સાથે આર્થિક અને રાજકીય સંબંધોને મજબૂત કરશે, પરંતુ તુર્કીને પણ સ્પષ્ટ સંદેશ આપશે કે ભારત પોતાના હિતોનું રક્ષણ કરવામાં સક્ષમ છે. આ યાત્રા ભારતના બીજા નેતાઓ જેમ કે ઇન્દિરા ગાંધી (1983) અને અટલ બિહારી વાજપેયી (2002)ની સાયપ્રસ યાત્રાઓની યાદ અપાવે છે.
PM મોદીના નવા પ્લાન મુજબ, ભારત હવે માત્ર ડિફેન્સિવ નહીં પણ એગ્રેસિવ કૂટનીતિ અપનાવી રહ્યું છે. તુર્કિયેને તેના જ અંદાજમાં જવાબ આપવા માટે ભારત સાઇપ્રસ જેવા દેશો સાથે ખુલ્લા સંબંધો સ્થાપશે અને આંતરરાષ્ટ્રીય સ્તરે તુર્કિયેને ઘેરશે. આથી પાકિસ્તાન ઉપરાંત તુર્કિયે માટે પણ ભારતની નવી ચાલ ચિંતાનો વિષય બની છે.
