જો તમે મંદિરમાં આસન ગુપ્ત દાન કરો છો, તો બજરંગબલી ખૂબ જ પ્રસન્ન થશે : માચિસનું ગુપ્ત દાન કરવાથી ગ્રહ દોષ સમાપ્ત થાય છે
અમદાવાદ, મંગળવાર : હિંદુ ધર્મમાં પૂજા-પાઠ જેટલું મહત્વપૂર્ણ છે, એટલું જ દાનનું પણ મહત્વ છે. માનવામાં આવે છે કે પૂજા-પાઠ પછી જો વ્યક્તિ દાન નથી કરતું, તો તેની પૂજાનું મહત્વ શૂન્ય થઈ જાય છે. ઘણી વખત વ્યક્તિની કુંડળીમાં ગ્રહ દોષ હોય છે. આ દોષોને શાંત કરવા માટે પૂજા-પાઠ અને હવન કરાવાય છે. પરંતુ જ્યોતિષશાસ્ત્રમાં ગ્રહ દોષને સમાપ્ત કરવા માટે દાનનું પણ વિશેષ મહત્વ બતાવવામાં આવ્યું છે. જો તમારી કુંડળીમાં મંગળ અને શનિ ગ્રહ દોષ છે, તો કેટલીક વસ્તુઓ હનુમાન મંદિર જઈને ચુપચાપ દાન કરવાથી આ દોષોથી મુક્તિ મળી શકે છે.
શનિ અને મંગળ બંને ક્રૂર ગ્રહ માનવામાં આવે છે. ઘણી વખત વ્યક્તિની કુંડળીમાં આ ગ્રહોના દોષના કારણે જીવનમાં માનસિક તણાવ, આર્થિક તંગી, ઘરક્લેશ અને વિવાદ જેવી સમસ્યાઓ ઊભી થઈ જાય છે. કેટલાક ઉપાય અપનાવવાથી ધીમે-ધીમે શનિ અને મંગળ ગ્રહ દોષ દૂર થઈ શકે છે. હનુમાન મંદિર જઈને કરો આ વસ્તુઓનું દાન: શનિવાર અથવા મંગળવારના દિવસે કોઈ હનુમાન મંદિર જઈને કેટલીક વસ્તુઓનું ગુપ્ત દાન કરવું જોઈએ, જેમ કે- આસન, ધ્વજા અને માચિસ…
આસન: જ્યોતિષાચાર્ય જણાવે છે કે પૂજા-પાઠ હંમેશા આસન પર બેસીને જ કરવી જોઈએ. જો તમે મંદિરમાં આસન ગુપ્ત દાન કરો છો, તો બજરંગબલી ખૂબ જ પ્રસન્ન થશે.
ધ્વજા: તમારી મનોકામનાઓ માટે મંદિરના પૂજારીને લાલ અથવા પીળા રંગની પતાકા અથવા ધ્વજા દાન કરો. આથી જીવનની બધી સમસ્યાઓનો અંત આવી જશે અને બધા ગ્રહ શાંત થઈ જશે.
માચિસ: માચિસનો સંબંધ સીધો અગ્નિ સાથે છે અને અગ્નિ શુદ્ધતા અને પવિત્રતાનું પ્રતિક માનવામાં આવે છે. માચિસનું ગુપ્ત દાન કરવાથી ગ્રહ દોષ સમાપ્ત થાય છે અને જીવનમાંથી નકારાત્મક ઊર્જા દૂર થઈ જાય છે, સાથે જ સકારાત્મક ઊર્જાનો પ્રવાહ થાય છે.
