આ બિલ્ડિંગ સેન્ટ્રલ વિસ્ટા પ્રોજેક્ટનો એક ભાગ છે, જે ભારતનું પાવર કોરિડોર તૈયાર કરી રહ્યું છે. આ પ્રોજેક્ટમાં નવું સંસદ ભવન, એક કોમન સેન્ટ્રલ સેક્રેટરીએટ અને રાષ્ટ્રપતિ ભવનથી ઈન્ડિયા ગેટ સુધીનો 3 કિલોમીટર લાંબો કર્તવ્ય પથ શામેલ છે.
નવી દિલ્હી, મંગળવાર
વડાપ્રધાન નરેન્દ્ર મોદી 6 ઓગસ્ટે સેન્ટ્રલ વિસ્ટાના નવા બિલ્ડિંગ કર્તવ્ય ભવનનું ઉદ્ઘાટન કરવાના છે. આ નવું ભવન સરકારી કામગીરી માટે ખાસ બનાવાયું છે, જેમાં ગૃહ મંત્રાલય અને ડિપાર્ટમેન્ટ ઓફ પર્સોનેલ એન્ડ ટ્રેનિંગ જેવી મહત્વની સરકારી ઓફિસો હશે. આ પગલાથી સરકારી કામકાજ વધુ સરળ અને ઝડપી બનશે તેવી અપેક્ષા છે.
પીએમ મોદી સાંજે 6 વાગ્યે આ ભવનનું ઉદ્ઘાટન કરી શકે છે. આ બિલ્ડિંગ સેન્ટ્રલ વિસ્ટા પ્રોજેક્ટનો એક ભાગ છે, જે ભારતનું પાવર કોરિડોર તૈયાર કરી રહ્યું છે. આ પ્રોજેક્ટમાં નવું સંસદ ભવન, એક કોમન સેન્ટ્રલ સેક્રેટરીએટ અને રાષ્ટ્રપતિ ભવનથી ઈન્ડિયા ગેટ સુધીનો 3 કિલોમીટર લાંબો કર્તવ્ય પથ (પહેલાંનો રાજપથ) શામેલ છે. આ આખો પ્રોજેક્ટ 2026 સુધીમાં પૂરો થવાની ધારણા છે.
શું છે સેન્ટ્રલ વિસ્ટા પ્રોજેક્ટ?
સેન્ટ્રલ વિસ્ટા પ્રોજેક્ટ એ સરકારની એક મોટી યોજના છે જેનો મુખ્ય હેતુ સરકારી કામકાજને વધુ સુધારવાનો છે. આ પ્રોજેક્ટ અંતર્ગત નવી ઇમારતો અને રસ્તાઓ બનાવવામાં આવી રહ્યા છે. કર્તવ્ય ભવન આ પ્રોજેક્ટનો એક મહત્વનો ભાગ છે. હાલમાં સેન્ટ્રલ વિસ્ટા વિસ્તારમાં રાષ્ટ્રપતિ ભવન, સંસદ, નોર્થ બ્લોક, સાઉથ બ્લોક, ઉપરાષ્ટ્રપતિનું ઘર, નેશનલ મ્યુઝિયમ, ઉદ્યોગ ભવન, અને હૈદરાબાદ હાઉસ જેવી અનેક મહત્વની ઈમારતો આવેલી છે. આ પ્રોજેક્ટ દ્વારા આ સમગ્ર વિસ્તારનું રિનોવેશન અને ડેવલપમેન્ટ થઈ રહ્યું છે.
આ નવા ભવનના ઉદ્ઘાટનથી સરકારી વિભાગોની કાર્યક્ષમતા વધવાની શક્યતા છે, કારણ કે હવે ઘણા મહત્વના વિભાગો એક જ જગ્યાએથી કામ કરી શકશે.
