ઋષિકેશ-બદ્રીનાથ હાઈવે પર 100 મીટર ઊંડી ખીણમાં ખાબકી બસ,8 મુસાફરોના મોત અને 13 લોકો ઘાયલ

ઉત્તરાખંડના ટિહરી ગઢવાલ જિલ્લામાં ઋષિકેશ-બદ્રીનાથ હાઈવે પર મંગળવાર, 17 નવેમ્બર 2026ની વહેલી સવારે ભયાનક માર્ગ અકસ્માત સર્જાયો હતો.

ઉત્તરાખંડના ટિહરી ગઢવાલ જિલ્લામાં ઋષિકેશ-બદ્રીનાથ હાઈવે પર મંગળવાર, 17 નવેમ્બર 2026ની વહેલી સવારે ભયાનક માર્ગ અકસ્માત સર્જાયો હતો. હરિદ્વારથી જોશીમઠ તરફ જઈ રહેલી વિશ્વનાથ સેવા બસ ગુલાર બજાર નજીક પુલની સુરક્ષા રેલિંગ તોડીને આશરે 100 મીટર ઊંડી ખીણમાં ખાબકી હતી.

શરૂઆતના અહેવાલોમાં આ દુર્ઘટનામાં 8 મુસાફરોના મોત અને 13 લોકો ઘાયલ થયાની માહિતી સામે આવી હતી. જોકે, ત્યારબાદના કેટલાક અહેવાલોમાં મૃત્યુઆંક વધીને આઠ થયો હોવાનું જણાવાયું છે. ઘાયલોની સંખ્યા પણ અલગ-અલગ અહેવાલોમાં 20થી 26 વચ્ચે દર્શાવવામાં આવી છે.

પુલની રેલિંગ તોડીને ખીણમાં ખાબકી બસ

મળતી માહિતી મુજબ, 32 સીટર બસમાં આશરે 30થી 35 મુસાફરો સવાર હતા. મંગળવારે વહેલી સવારે ગુલાર બજાર નજીક બસ અચાનક કાબૂ બહાર ગઈ હતી. ત્યારબાદ પુલની સુરક્ષા રેલિંગ તોડીને સીધી ઊંડી ખીણમાં પડી હતી.

મુનિ કી રેતી પોલીસના અધિકારી પ્રદીપ ચૌહાણે શરૂઆતની માહિતીમાં જણાવ્યું હતું કે બસમાં 30 મુસાફરો સવાર હતા. અકસ્માતની જાણ થતાં જ સ્થાનિક પોલીસ અને SDRFની ટીમો ઘટનાસ્થળે પહોંચી હતી.

SDRF અને પોલીસ દ્વારા બચાવ કામગીરી

અકસાન બાદ SDRFની બ્યાસી અને ઢાલવાલા પોસ્ટની ટીમોએ તાત્કાલિક બચાવ કામગીરી શરૂ કરી હતી. ખીણમાં ફસાયેલા મુસાફરોને બહાર કાઢવા માટે રેસ્ક્યૂ ટીમોએ મુશ્કેલ પરિસ્થિતિમાં કામગીરી હાથ ધરી હતી.

ઘાયલોને એમ્બ્યુલન્સ મારફતે ઋષિકેશની હોસ્પિટલોમાં ખસેડવામાં આવ્યા હતા. ગંભીર પરિસ્થિતિને ધ્યાનમાં રાખીને વધારાની SDRF ટીમો પણ ઘટનાસ્થળે મોકલવામાં આવી હતી.

ટિહરી ગઢવાલનાં જિલ્લા મેજિસ્ટ્રેટ નીતિકા ખંડેલવાલ અને પોલીસ અધિક્ષક શ્વેતા ચૌબે સહિતના અધિકારીઓ પણ બચાવ કામગીરીની દેખરેખ માટે ઘટનાસ્થળે પહોંચ્યા હતા.

ઘાયલ 13 મુસાફરોની પ્રાથમિક યાદી

પ્રારંભિક અહેવાલોમાં સારવાર હેઠળ રહેલા 13 ઘાયલ મુસાફરોની યાદી જાહેર કરવામાં આવી હતી:

  1. મોહમ્મદ વહાબ અન્સારી (22), દુમકા, ઝારખંડ
  2. રાહુલ કુમાર (24), પટના, બિહાર
  3. અભિષેક (28), જસપુર, ઉધમસિંહ નગર
  4. પ્રત્યુષ (23), ખટીમા, ઉધમસિંહ નગર
  5. અર્જુન સૌરાન (34), દુમકા, ઝારખંડ
  6. બુધાન મુર્મુ (50), દુમકા, ઝારખંડ
  7. આયરા (3), ગુવાહાટી, આસામ
  8. નૂર જહાં (26), ગુવાહાટી, આસામ
  9. રાજકુમાર (32), દુમકા, ઝારખંડ
  10. જતીન (21), શાહદરા, દિલ્હી
  11. પંકજ નેગી (31), રુદ્રપ્રયાગ
  12. સંતોષ કુમાર (38), જહાનાબાદ, બિહાર
  13. વીરેન્દ્ર સિંહ (58), કર્ણપ્રયાગ, ચમોલી

અકસ્માતનું કારણ જાણવા તપાસ

આ અકસ્માતનું ચોક્કસ કારણ હજુ સ્પષ્ટ થયું નથી. બસ કયા સંજોગોમાં કાબૂ બહાર ગઈ હતી તે અંગે તપાસ ચાલી રહી છે. બીજી તરફ, બચાવ કામગીરી અને ઘાયલોની સારવારને પ્રાથમિકતા આપવામાં આવી રહી છે. મૃતકોની ઓળખ અને અકસ્માત અંગેની સત્તાવાર વિગતો પણ એકત્ર કરવામાં આવી રહી છે.

RAO GARIMA
Author: RAO GARIMA

Leave a Comment

Read More

error: Content is protected !!