યાત્રાધામ ડાકોરમાં જન્માષ્ટમીની ભવ્ય ઉજવણી! રણછોડરાયજી મંદિરને અદભુત લાઇટિંગથી શણગારવામાં આવ્યું છે. જાણો દર્શનનો સમય અને ભગવાનના જન્મોત્સવની સંપૂર્ણ વિગતો.
ડાકોર, શનિવાર
Dakor Janmashtami Celebration: યાત્રાધામ ડાકોર ‘જય રણછોડ’ના નાદ સાથે ગુંજી ઉઠ્યું છે. ભગવાન શ્રીકૃષ્ણના જન્મોત્સવ, એટલે કે જન્માષ્ટમીના ફેસ્ટિવલ માટેની તમામ તૈયારીઓ હવે પૂર્ણ થઈ ગઈ છે અને ભક્તોનો ઉત્સાહ સાતમા આસમાને છે. આ ખાસ પ્રસંગે, ડાકોરના સુપ્રસિદ્ધ રણછોડરાયજી મંદિરને એકદમ ભવ્ય અને દિવ્ય લુક આપવામાં આવ્યો છે.
મંદિર પરિસરને રંગબેરંગી અને મનમોહક લાઇટિંગથી શણગારવામાં આવ્યું છે, જેના કારણે રાત્રિનો નજારો અદભુત દેખાઈ રહ્યો છે. સમગ્ર મંદિર દિવ્ય પ્રકાશથી ઝળહળી રહ્યું છે, જે એક અલૌકિક વાતાવરણ બનાવે છે. આ સુંદર દ્રશ્યો જોવા અને ભગવાનના દર્શન કરવા માટે હજારો શ્રદ્ધાળુઓ ડાકોર પહોંચી રહ્યા છે.
ભક્તો માટે દર્શનનો સમય ખાસ જાણો
શનિવારે, જન્માષ્ટમીના પાવન દિવસે, મંદિરમાં ભક્તોની ભારે ભીડ જોવા મળશે. ભક્તોને દર્શનમાં કોઈ મુશ્કેલી ન પડે તે માટે મંદિર ટ્રસ્ટ દ્વારા ખાસ વ્યવસ્થા કરવામાં આવી છે. દર્શનનો સમય નીચે મુજબ રહેશે:
સવારે: મંગળા આરતી બાદ સવારથી બપોરે 1:00 વાગ્યા સુધી દર્શન ખુલ્લા રહેશે.
બપોરે: બપોરે 1:00 વાગ્યાથી સાંજે 4:45 વાગ્યા સુધી મંદિરના કપાટ દર્શનાર્થીઓ માટે બંધ રહેશે.
સાંજે: સાંજે 4:45 વાગ્યે ફરીથી દર્શન શરૂ થશે.
મધ્યરાત્રિ: રાત્રે બરાબર 12:00 વાગ્યે ભગવાન શ્રીકૃષ્ણનો જન્મોત્સવ ખૂબ જ ધામધૂમથી ઉજવવામાં આવશે.
આમ, ડાકોર નગરી ભગવાનના જન્મોત્સવની ગ્રાન્ડ ઉજવણી માટે સંપૂર્ણ રીતે સજ્જ છે અને ભક્તોને આવકારવા માટે આતુર છે.
