રાષ્ટ્રીય રાજધાની દિલ્હીમાં પ્રદૂષણના વધી રહેલા સ્તરને નિયંત્રિત કરવા માટે દિલ્હી સરકારે મંગળવારે ક્લાઉડ સીડિંગ ના બે પ્રાયોગિક પરીક્ષણો કરાવ્યા હતા.
રાષ્ટ્રીય રાજધાની દિલ્હીમાં પ્રદૂષણના વધી રહેલા સ્તરને નિયંત્રિત કરવા માટે દિલ્હી સરકારે મંગળવારે ક્લાઉડ સીડિંગ (Cloud Seeding) ના બે પ્રાયોગિક પરીક્ષણો કરાવ્યા હતા. જોકે, આ પ્રયોગો સંપૂર્ણપણે સફળ રહ્યા નથી, કેમ કે મોડી રાત સુધી શહેરમાં વરસાદ થયો નહોતો.
IIT કાનપુરના નિદેશક મનિંદ્ર અગ્રવાલે આ અંગે માહિતી આપતા જણાવ્યું કે આ પરીક્ષણો પૂરી રીતે સફળ નથી રહ્યા, કારણ કે વિમાનમાંથી છોડવામાં આવેલા ફ્લેયર્સ વરસાદ કરાવવામાં નિષ્ફળ રહ્યા.પરીક્ષણની વિગતો: મનિંદ્ર અગ્રવાલના જણાવ્યા અનુસાર, ક્લાઉડ સીડિંગ માટે કાનપુર અને મેરઠથી બે એરક્રાફ્ટ (એક બપોરે અને એક સાંજે) ઉડાન ભરી હતી. બંનેએ મળીને કુલ 14 ફ્લેયર્સ (નમક-આધારિત સોડિયમ ક્લોરાઇડ અને સિલ્વર આયોડાઇડ) છોડ્યા હતા.
હવામાન વિભાગ (IMD) અનુસાર, દિલ્હીમાં ભેજનું અનુમાનિત પ્રમાણ માત્ર 10-15% હતું, જે ક્લાઉડ સીડિંગ માટે પૂરતું નથી. અગ્રવાલે પણ આ વાત સાથે સહમતિ દર્શાવી અને કહ્યું કે, “આજે જે વાદળો હતા, તેમાં ભેજનું પ્રમાણ વધારે નહોતું. આટલા ઓછા ભેજની માત્રા સાથે વરસાદની સંભાવના ઘણી ઓછી હોય છે.”
IIT નિદેશકે જણાવ્યું કે હવે આ પરીક્ષણનો ત્રીજો રાઉન્ડ બુધવારે યોજાય તેવી સંભાવના છે. તેમણે આશા વ્યક્ત કરી કે આ પ્રયાસોથી ટીમનો આત્મવિશ્વાસ વધશે.મંગળવારે સાંજે જાહેર કરાયેલા દિલ્હી સરકારના એક રિપોર્ટમાં જણાવવામાં આવ્યું છે કે ક્લાઉડ સીડિંગના પ્રયોગોથી લક્ષિત સ્થળોએ પાર્ટિક્યુલેટ મેટર (PM2.5 અને PM10) નું સ્તર ઘટાડવામાં મદદ મળી છે. રિપોર્ટમાં નોઇડા અને ગ્રેટર નોઇડામાં વરસાદની નાની ઘટનાઓ (0.1mm અને 0.2mm) નોંધવામાં આવી છે.
