બોલિવૂડ અભિનેત્રી શ્રદ્ધા કપૂર હવે મહારાષ્ટ્રની લોકરંગભૂમિની દુનિયામાં પ્રવેશવા જઈ રહી છે. તેની આગામી ફિલ્મઈથાનું ટ્રેલર શુક્રવારે રિલીઝ થયું છે.
બોલિવૂડ અભિનેત્રી શ્રદ્ધા કપૂર હવે મહારાષ્ટ્રની લોકરંગભૂમિની દુનિયામાં પ્રવેશવા જઈ રહી છે. તેની આગામી ફિલ્મઈથાનું ટ્રેલર શુક્રવારે રિલીઝ થયું છે. લક્ષ્મણ ઉતેકરના નિર્દેશનમાં બનેલી આ ફિલ્મમાં શ્રદ્ધા સુપ્રસિદ્ધ તમાશા અને લાવણી કલાકાર વિઠાબાઈ ભાઉ માંગ નારાયણગાંવકરની ભૂમિકા ભજવી રહી છે.
ફિલ્મના ટ્રેલરમાં શ્રદ્ધા કપૂરનો અલગ જ અંદાજ જોવા મળે છે. પરંપરાગત લાવણી પોશાક, શાનદાર નૃત્ય અને મંચ પરની તેની અદાઓ દર્શકોનું ધ્યાન ખેંચે છે. આ ઉપરાંત, ટ્રેલરમાં એક કલાકારના અંગત જીવનના સંઘર્ષ અને મુશ્કેલીઓની પણ ઝલક જોવા મળે છે.
‘ઈથા’ના ટ્રેલરમાં શ્રદ્ધા કપૂરનો લાવણી અવતાર
ટ્રેલરની શરૂઆતમાં શ્રદ્ધા કપૂર પરંપરાગત લાવણી પોશાક પહેરીને મંચ પર શાનદાર પ્રદર્શન કરતી જોવા મળે છે. સામે મોટી સંખ્યામાં દર્શકોની ભીડ છે. લાઇટ્સ, લોકસંગીતના તાલ અને નૃત્યના દ્રશ્યો મહારાષ્ટ્રની લોકસંસ્કૃતિની ઝલક રજૂ કરે છે.જોકે, આ ફિલ્મ માત્ર મનોરંજન પૂરતી મર્યાદિત નથી. તેમાં વિઠાબાઈના જીવનના ઉતાર-ચઢાવ, તૂટેલા વિશ્વાસ અને વ્યક્તિગત દુર્ઘટનાઓને પણ સ્થાન આપવામાં આવ્યું છે.
ટ્રેલરના એક દ્રશ્યમાં શ્રદ્ધાનું પાત્ર કહે છે, “મેરા ભરોસા હી મેરા ઘમંડ થા રે, જબ વો તૂટ ગયા ના સબ તૂટ ગયા.” આ સંવાદ તેના જીવનમાં વિશ્વાસ તૂટવાથી સર્જાયેલી પીડા દર્શાવે છે.
નૃત્ય જ વિઠાબાઈની સૌથી મોટી તાકાત
ટ્રેલરમાં વિઠાબાઈને તેમના યોગદાનની યાદ અપાવતો એક સંવાદ પણ છે. તેમાં તેમને કહેવામાં આવે છે કે તેમણે જ તમાશા કલાને નવી ઊંચાઈઓ સુધી પહોંચાડી હતી. આ દ્રશ્ય તેમના આત્મવિશ્વાસ અને કલાપ્રેમને દર્શાવે છે.બીજા એક સંવાદમાં નૃત્ય પ્રત્યેનો તેમનો જુસ્સો જોવા મળે છે. તેઓ કહે છે, “નાચ કે મુકાબલે મેં તકદીર ભી નહીં જીત શકતી.” એટલે કે નૃત્યની લડાઈમાં ભાગ્ય પણ તેમને હરાવી શકતું નથી.
‘નાચતાં નાચતાં મરીશ તો મિસાલ બનીશ’
ટ્રેલરનો સૌથી ભાવનાત્મક સંવાદ વિઠાબાઈના જીવન પ્રત્યેના અભિગમને રજૂ કરે છે. તેમાં કહેવામાં આવે છે, “પડે-પડે મરી તો બેચારી કહલાઉંગી, પર નાચતે હુએ મરી તો મિસાલ બન જાઉંગી.”આ સંવાદમાં કલાકારની કલા પ્રત્યેની સમર્પણભાવના અને સંઘર્ષની ઝલક જોવા મળે છે.
આમ, ‘ઈથા’ના ટ્રેલરમાં શ્રદ્ધા કપૂરનો લાવણી અવતાર, મહારાષ્ટ્રની લોકસંસ્કૃતિ અને એક કલાકારના જીવનસંઘર્ષને રજૂ કરવામાં આવ્યો છે. હવે દર્શકોમાં ફિલ્મની રિલીઝ અને શ્રદ્ધાના અભિનયને લઈને ઉત્સુકતા જોવા મળી રહી છે.
