બિગ બોસ 19 શોમાંથી તાજેતરમાં બે સ્પર્ધકો – બસીર અલી અને નેહલ ચુડાસમા – બહાર થઈ જતાં ચાહકો અને ઘરના સભ્યોને આશ્ચર્ય થયું છે.
બિગ બોસ 19 શોમાંથી તાજેતરમાં બે સ્પર્ધકો – બસીર અલી અને નેહલ ચુડાસમા – બહાર થઈ જતાં ચાહકો અને ઘરના સભ્યોને આશ્ચર્ય થયું છે. ખાસ કરીને, બસીરના બહાર થવાથી ઘણા લોકો આઘાતમાં છે અને તેને ખોટો નિર્ણય ગણાવી રહ્યા છે. બિગ બોસ અને રોડીઝના વિજેતા પ્રિન્સ નરુલાએ પણ આ એલિમિનેશનને ખોટું ગણાવ્યું છે.
પ્રિન્સ નરુલાએ ઇન્સ્ટાગ્રામ સ્ટોરી પર લખ્યું કે, “હું આ શો માત્ર બસીર માટે જોઈ રહ્યો હતો. જો બસીરને બહાર કાઢવામાં આવ્યો હોય, તો તે વોટ્સના આધારે તો કોઈ પણ સંજોગોમાં બહાર જઈ શકે નહીં. તે ટ્રેન્ડ કરી રહ્યો હતો. જો તેને બહાર કાઢવામાં આવ્યો છે, તો તે કોઈ ષડયંત્ર દ્વારા જ કાઢવામાં આવ્યો હશે. તેના વિના આ સીઝન ફ્લોપ થઈ જશે, કારણ કે તેના સિવાય કોઈ બીજો ખેલાડી નહોતો.”
બીજી તરફ, બસીર અલીએ તેની સફર વિશે વાત કરતા કહ્યું કે તે પોતાને ફિનાલેમાં ટોપ 5 કે ટોપ 6માં જોઈ રહ્યો હતો. તેણે કહ્યું, “તેઓ મને જીતવા દેતા નહીં, કારણ કે તે શો માટે વધુ પડતું થઈ જાત. મારી સચ્ચાઈ, મારો ઓરા અને મારું વ્યક્તિત્વ અન્ય સ્પર્ધકોની તુલનામાં તેમના માટે ઘણું વધારે હતું.” એક ઇન્ટરવ્યૂમાં બસીરે એ પણ જણાવ્યું કે શોમાં તેને ક્યારેય કોઈનો સપોર્ટ મળ્યો ન હતો, અને જ્યારે પૂછવામાં આવ્યું કે કોણે નિરાશ કર્યા, તો તેણે “તમામ લોકોએ” કહીને જવાબ આપ્યો.
