સ્કોડાએ બે કારની નવી એડિશન લોન્ચ કરી, ફીચર્સ આપવામાં કોઈ કસર છોડી નથી, બુકિંગ પર ₹30,000નું ડિસ્કાઉન્ટ|Skoda launches new edition of two cars leaves no stone unturned in offering features 30000 discount on bookings

- સ્કોડા ઓટો ઇન્ડિયાએ ભારતમાં બિલકુલ નવી સ્લેવિયા મોન્ટે કાર્લો એડિશન લોન્ચ કરી

- સ્પોર્ટ્સ થીમને આગળ લઈ જઈને, કંપનીએ કુશક અને સ્લેવિયામાં તમામ નવી સ્પોર્ટલાઈન રેન્જ પણ લોન્ચ કરી

નવી દિલ્હી, ગુરુવાર

સ્કોડા ઓટો ઇન્ડિયાએ ભારતમાં બિલકુલ નવી સ્લેવિયા મોન્ટે કાર્લો એડિશન લોન્ચ કરી છે. સ્પોર્ટ્સ થીમને આગળ લઈ જઈને, કંપનીએ કુશક અને સ્લેવિયામાં તમામ નવી સ્પોર્ટલાઈન રેન્જ પણ લોન્ચ કરી છે. સ્કોડા ઓટોએ પણ આ કાર્સની ખરીદી પર શાનદાર ઑફર્સની જાહેરાત કરી છે. આ રીતે, કંપનીએ ભારતીય ગ્રાહકો માટે આકર્ષક કિંમતે તેમની મનપસંદ કાર શોધવાના વિકલ્પોમાં વધારો કર્યો છે.

નવી ઓફર વિશે બોલતા, સ્કોડા ઓટો ઈન્ડિયાના બ્રાન્ડ ડિરેક્ટર પેટર જાનબાએ જણાવ્યું હતું કે, “મોન્ટે કાર્લો બેજ ગ્રાહકો સાથે મજબૂત જોડાણ ધરાવે છે, જે વિજેતા ભાવનાને પ્રતિબિંબિત કરે છે. મને તમને જણાવતા આનંદ થાય છે કે આજે અમે સ્લેવિયા મોર્ટે કાર્લો લોન્ચ કરી રહ્યા છીએ. આ ભારતમાં સ્કોડા બ્રાન્ડને વિકસાવવાની વ્યૂહરચનાનો એક ભાગ છે. યુરોપની બહાર ભારત આપણા માટે સૌથી મોટા બજારોમાંનું એક છે. આ સ્પેશિયલ કાર તે ગ્રાહકોને ખૂબ જ પસંદ આવશે જેઓ સ્પોર્ટી સ્ટાઈલવાળી અનોખી, અત્યાધુનિક અને સુંદર કાર શોધી રહ્યા છે, જે તેમની ખાસ શૈલીને બહાર લાવશે.

રેલી મોન્ટે કાર્લોમાં કંપનીના પ્રવેશની 112મી વર્ષગાંઠ નિમિત્તે આ તમામ નવી શ્રેણી લોન્ચ કરવામાં આવી છે. સ્કોડા ઓટો ઈન્ડિયા ગ્રાહકોને કુશક અને સ્લેવિયા મોન્ટે કાર્લો અને સ્પોર્ટલાઈન રેન્જની કારની ખરીદી પર ઘણા ફાયદાઓ ઓફર કરી રહી છે. આ ચારમાંથી કોઈપણ એક કાર બુક કરાવનારા પ્રથમ પાંચ હજાર ગ્રાહકોને 30,000 રૂપિયાનો લાભ મળશે. આ ઑફરનો તરત લાભ લઈ શકાય છે. આ ઓફર 6 સપ્ટેમ્બર, 2024 સુધી માન્ય રહેશે.

કંપનીએ આ કારમાં 1.0 અને 1.5 લિટર TSI એન્જિન લગાવ્યા છે. 1.0 TSI છ-સ્પીડ મેન્યુઅલ અને ઓટોમેટિક સાથે ઉપલબ્ધ છે, જ્યારે 1.5 TSI સાત-સ્પીડ DSG દ્વારા કારના આગળના વ્હીલ્સને પાવર મોકલે છે. મોન્ટે કાર્લો ફક્ત ટોર્નેડો રેડ અને કેન્ડી વ્હાઇટ કલરમાં લોન્ચ કરવામાં આવી છે. આ બંને રંગની કારને સ્ટાન્ડર્ડ તરીકે સંપૂર્ણપણે અલગ ડાર્ક બ્લેક રૂફ સાથે લોન્ચ કરવામાં આવી છે. ORVM ની જેમ, વિન્ડો ગાર્નિશ પણ આ બંને કારમાં ઓલ-બ્લેક થીમ ધરાવે છે. રેડિએટર ગ્રીલ જે કારની આસપાસ છે, ફોગ લેમ્પની આસપાસ ગાર્નિશ અને કાળા R16 એલોય વ્હીલ્સ પણ કાળા રંગના છે.

કારની બોડી પરની જટિલ સજાવટ જાળવવામાં આવી છે. મોન્ટે કાર્લો બેજ આગળના ફેન્ડર્સ અને કારની ડાર્ક બ્લેક ટેલલાઇટ્સ પર મૂકવામાં આવ્યા હતા. સ્પોર્ટી બ્લેક સ્પોઇલર્સ કારના આગળ અને બાજુના ભાગોમાં અને પાછળના ટ્રંક પર લગાવવામાં આવ્યા છે. કારના પાછળના ભાગમાં બ્લેક સ્પોર્ટી રિયર ડિફ્યુઝર અને બ્લેક બમ્પર ગાર્નિશ પણ લગાવવામાં આવ્યું છે. કારના બાહ્ય સુશોભનની ખાસિયત એ છે કે ડાર્ક ક્રોમ ફિનિશિંગ સાથે શ્રેષ્ઠ ગુણવત્તાવાળા ડોર હેન્ડલ્સ છે. સ્લેવિયા મોન્ટે કાર્લોના બાહ્ય ભાગ પર લખેલા તમામ અક્ષરો કાળા રંગના છે.

સ્કોડા ઓટો ઈન્ડિયાએ સ્પોર્ટલાઈનના લોન્ચ સાથે તેની બે સૌથી વધુ વેચાતી કુશક અને સ્લેવિયા કારની શ્રેણીનો વિસ્તાર કર્યો. ગ્રાહકો તરફથી મળેલા પ્રતિસાદના આધારે, સ્કોડા ઓટો ઇન્ડિયાએ હવે સ્પોર્ટલાઇન રજૂ કરી છે. સ્પોર્ટલાઇનને હવે ક્લાસિક, સિગ્નેચર, મોન્ટે કાર્લો અને પ્રેસ્ટિજ વેરિઅન્ટ્સમાં કુશક અને સ્લેવિયા કારની હાલની રેન્જમાં ઉમેરવામાં આવી છે, જે ગ્રાહકોને તેમની પસંદગી મુજબ પસંદ કરવા માટે પૂરતા વિકલ્પો આપે છે.

કુશક અને સ્લેવિયા બંનેની સ્પોર્ટલાઇન ટ્રીમ મોન્ટે કાર્લોની કાળા રંગની ડિઝાઇનમાંથી પ્રેરણા લે છે. મોર્ટે કાર્લો ડિઝાઇનનો ઉપયોગ ટેલલાઇટ્સ, એરોકિટ અને કારના અન્ય ભાગોની વિગતવાર ડિઝાઇન માટે કરવામાં આવ્યો હતો. સ્લેવિયા સ્પોર્ટલાઇનને R16 બ્લેક એલોય વ્હીલ્સ અને કુશકને R17 બ્લેક એલોય વ્હીલ્સ મળે છે. સ્પોર્ટલાઇનમાં કુશક અને સ્લેવિયા બંનેની જેમ LED હેડલેમ્પ્સ અને DRL પણ છે.

સ્પોર્ટલાઇન કુશક અને સ્લેવિયા રેન્જની બાકીની કારની જેમ, તે સ્ટાન્ડર્ડ તરીકે છ એરબેગ્સ સાથે આવે છે. આ સ્પોર્ટી ટ્રીમમાં ઈલેક્ટ્રિક સનરૂફ, એલોય ફૂટ પેડલ્સ, કનેક્ટિવિટી ડોંગલ, રેઈન સેન્સિંગ વાઈપર્સ અને ઓટો-ડિમિંગ ઈન્ટરનલ રિયર-વ્યૂ મિરર સહિતની અન્ય સુવિધાઓ છે.સ્કોડા સ્લેવિયા સ્પોર્ટ્સ લાઇનની કિંમતો રૂ. 14,05,000 થી શરૂ થાય છે અને રૂ. 16,75,000 લાખ (એક્સ-શોરૂમ) સુધી જાય છે. જ્યારે મોન્ટેકાર્લો એડિશનની કિંમત 15,79,000 રૂપિયાથી શરૂ થાય છે અને 18,49,000 રૂપિયા (એક્સ-શોરૂમ) સુધી જાય છે.જ્યારે, સ્કોડા કુશક સ્પોર્ટ્સ લાઇનની કિંમત 14,70,000 રૂપિયાથી શરૂ થાય છે અને 17,40,000 રૂપિયા સુધી જાય છે. જ્યારે મોન્ટેકાર્લો એડિશનની કિંમત 15,89,900 રૂપિયાથી શરૂ થાય છે અને 18,59,900 રૂપિયા સુધી જાય છે.ગુજરાત, દેશ અને વિશ્વભરના સમાચાર તમારા વૉટ્સએપમાં મેળવવા માટે આ લીંક પર ટચ કરો અને અમારા ગ્રુપના સભ્ય બનો