ગળતેશ્વર તાલુકાના મહારાજના મુવાડા નવી ચેકપોસ્ટ પરથી દેશી પિસ્ટલ સાથે એક શખ્સ ઝડપાયો

Google ન્યુઝ માં જોડાવા માટે અહીં ક્લિક કરો :

By Weu Network 28, February 2024

- પોલીસે દેશી બનાવટની પિસ્ટલ સાથે કુલ રૂ. ૨૯,૬૬૦/-નો મુદ્દામાલ ઝડપી પાડ્યો

ગળતેશ્વર, બુધવાર

ગળતેશ્વર તાલુકાના સેવાલિયા ચેકપોસ્ટ પાસે સેવાલિયા પોલીસે વાહનચેકીંગ દરમિયાન એક ખાનગી લકઝરી બસમાંથી મુસાફરી કરતાં એક ઈસમને દેશી પિસ્ટલ સાથે ઝડપી પાડ્યો હતો. પોલીસે તેની પાસેથી દેશી બનાવટની પિસ્ટલ સાથે કુલ રૂ. ૨૯,૬૬૦/-નો મુદ્દામાલ ઝડપી પાડ્યો છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

પ્રાપ્ત માહિતી અનુસાર સેવાલિયા પોલીસના ગિરીશભાઈ તથા અન્ય જવાનો અમદાવાદ ઇન્દોર હાઇવે પર આવેલ મહારાજના મુવાડા નવી ચેકપોસ્ટ ખાતે ગેરકાયદેસર પ્રવૃતિ ડામી દેવા વાહનચેકીંગમાં ઉભા હતા. તેઓ વાહનચેકીંગ કરતા હતા ત્યારે બાતમી મળી હતી કે, એક મધ્ય પ્રદેશ પાર્સીંગની શુભમ ટ્રાવેલ્સની ખાનગી લકઝરી બસ નં. MP-09-FA-9447 જે ઉજ્જૈનથી મોરબી જઈ રહી છે જેમાં એક ઈસમ ઘાતક હથિયાર લઇ બસમાં સવાર છે જે બાતમીના આધારે પોલીસે ઉપરોક્ત લકઝરી બસ આવતાં સઘન ચેકીંગમાં એક ઈસમ પાસેથી વગર લાયસન્સની ભારતીય હાથ બનાવટની લોખંડની મેગજીનવાળી દેશી પિસ્ટલ નંગ -૧ મળી આવી હતી. દેશી પિસ્ટલ સાથે અંગઝડતીમાંથી અન્ય મળી કુલ કીં.રૂ. ૨૯,૬૬૦/- નો મુદ્દામાલ સેવાલિયા પોલીસે ઝડપી પાડ્યો હતો.પોલીસે તેની પૂછપરછ કરતાં તેણે પોતાનું નામ અશોકગીરી પ્રકાશગીરી ગોસ્વામી (રહે.મધ્યપ્રદેશ ) હોવાનું જણાવ્યુ હતું. આ બનાવ સંદર્ભે સેવાલિયા આ આરોપી વિરૂદ્ધ આર્મ્સ એક્ટ મુજબ ગુનો નોંધી વધુ તપાસ હાથ ધરી છે. ગુજરાત, દેશ અને વિશ્વભરના સમાચાર તમારા વૉટ્સએપમાં મેળવવા માટે આ લીંક પર ટચ કરો અને અમારા ગ્રુપના સભ્ય બનો