સાહિત્યચોરીનો આરોપ : ધનુષની ફિલ્મ 'કેપ્ટન મિલર' ફસાઈ શકે છે કાયદાકીય મુશ્કેલીમાં

Google ન્યુઝ માં જોડાવા માટે અહીં ક્લિક કરો :

By Weu Network 23, January 2024

- ફિલ્મએ 11 દિવસમાં 44 કરોડ રૂપિયાનું કલેક્શન કર્યું છે
- વેલા રામામૂર્તિનો દાવો : ફિલ્મ તેમની નવલકથા પર આધારિત છે

મુંબઈ, મંગળવાર

મકરસંક્રાંતિના અવસર પર રિલીઝ થયેલી ધનુષની 'કેપ્ટન મિલર'એ 11 દિવસમાં 44 કરોડ રૂપિયાનું કલેક્શન કર્યું છે, ત્યારે હવે તેના પર સાહિત્યચોરીનો સનસનીખેજ આરોપ લગાવવામાં આવ્યો છે. વેલા રામામૂર્તિનો દાવો છે કે આ ફિલ્મ તેમની નવલકથા પર આધારિત છે. અરુણ માથેશ્વરનના નિર્દેશનમાં બનેલી આ ફિલ્મ બોક્સ ઓફિસ પર ખાસ કમાલ કરી શકી નથી.

જ્યારે સાઉથનો સુપરસ્ટાર ધનુષ સોમવારે રામ મંદિરના અભિષેકમાં ભાગ લેવા માટે અયોધ્યા પહોંચ્યો હતો, ત્યારે તેની તાજેતરની રિલીઝ થયેલી ફિલ્મ 'કેપ્ટન મિલર' કાયદાકીય મુશ્કેલીમાં ફસાયેલી જણાય છે. 'કેપ્ટન મિલર' પર સાહિત્યચોરી એટલે કે સાહિત્યિક ચોરીનો સનસનાટીભર્યો આરોપ મૂકવામાં આવ્યો છે. તમિલ લેખક અને અભિનેતા વેલા રામામૂર્તિએ આ આરોપો લગાવ્યા છે. તેમણે કહ્યું છે કે આ ફિલ્મ તેની તમિલ નવલકથા 'પટ્ટુ યાનાઈ'ની નકલ છે. ધનુષ અને તેની ફિલ્મના નિર્માતાઓએ પરવાનગી વિના તેની નવલકથાની કહાની પર આધારિત ફિલ્મ 'કેપ્ટન મિલર' બનાવી છે. તેમણે વધુમાં કહ્યું હતું કે હું આ સાહિત્યચોરી માટે ન્યાય ઈચ્છું છું. ઈન્ડસ્ટ્રીમાં ઈમાનદારી બાકી નથી. હું આ બાબતને તમિલ સિનેમા ડિરેક્ટર્સ યુનિયન (TCDU) પાસે લઈ જઈશ. મને આશા છે કે ફિલ્મ નિર્માતા ભારતીરાજા સર મારી સાથે ન્યાય કરશે.

તેનો હેતુ આ મામલો ઉઠાવીને પ્રસિદ્ધિ મેળવવાનો નથી. તેમ જ તેઓ આ માટે કોઈ પૈસા કે ચુકવણી ઈચ્છતા નથી. તે ફક્ત તેના સર્જન માટે ન્યાય ઇચ્છે છે. વેલા રામામૂર્તિએ અગાઉ ધનુષના સસરા અને સુપરસ્ટાર રજનીકાંત સાથે કામ કર્યું છે. વેલા રજનીકાંતની ફિલ્મ 'અન્નત્તે', 'સેતુપતિ' અને 'કિદારી'માં જોવા મળી છે. તે ધનુષ સાથે ફિલ્મ 'ઈનાઈ નોક્કી પાયુમ થોતા'માં જોવા મળ્યો હતો. 'કેપ્ટન મિલર' આઝાદી પહેલાની કેપ્ટન મિલર'ની કહાની છે, જે પહેલા બ્રિટિશ સૈન્યમાં કેપ્ટન હતો, પરંતુ બાદમાં ગ્રામજનોની સુરક્ષા માટે બ્રિટિશ શાસનની વિરુદ્ધ થઈ જાય છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર