અજમેરમાં 45 વર્ષ જૂની ખાદિમ હોટલનું નામ બદલાયું, હવે આ નામથી ઓળખાશે !|The 45 year old Khadim hotel in Ajmer was renamed now it will be known by this name

અજમેરમાં 45 વર્ષ જૂની ખાદિમ હોટલનું નામ બદલાયું, હવે આ નામથી ઓળખાશે !

Google ન્યુઝ માં જોડાવા માટે અહીં ક્લિક કરો :

By Weu Network 20, November 2024

- રાજસ્થાન સરકારની પ્રખ્યાત હોટલ ‘ખાદિમ’નું નામ બદલી દેવામાં આવ્યું છે

- અજમેર ઐતિહાસિક રીતે ‘અજયમેરુ’ તરીકે ઓળખાતું હતું

નવી દિલ્હી, બુધવાર

દાયકાઓથી અજમેરની ઓળખ બનેલી રાજસ્થાન સરકારની પ્રખ્યાત હોટલ ‘ખાદિમ’નું નામ બદલી દેવામાં આવ્યું છે. હવે આ 45 વર્ષ જૂની હોટલ અજયમેરુ તરીકે ઓળખાશે. ભજનલાલ શર્માની આગેવાની હેઠળની ભાજપ સરકારે રાજસ્થાન પ્રવાસન વિભાગની આ સરકારી હોટલનું નામ બદલવાનો આદેશ જારી કર્યો છે.એક સત્તાવાર આદેશ અનુસાર રાજસ્થાન પ્રવાસન વિકાસ નિગમ (RTDC) એ સોમવારે વિધાનસભા અધ્યક્ષ વાસુદેવ દેવનાનીના નિર્દેશ પર આ આદેશ જારી કર્યો હતો. વાસુદેવ દેવનાની અજમેર ઉત્તરના વર્તમાન ધારાસભ્ય છે અને તેઓ અજમેરના છે.અમારા ઇન્સ્ટાગ્રામ પેજને ફોલો કરવાં માટે અહીં ટચ કરો

અજમેર ઐતિહાસિક રીતે ‘અજયમેરુ’ તરીકે ઓળખાતું હતું અને આ નામનો ઉપયોગ પ્રાચીન ભારતીય શાસ્ત્રો અને ઐતિહાસિક પુસ્તકોમાં પણ કરવામાં આવ્યો છે. આ શહેર સૂફી સંત ખ્વાજા મોઇનુદ્દીન ચિશ્તી (ર.)ની દરગાહ માટે પ્રખ્યાત છે અને તેની સાથે ‘ખાદિમ’ નામ જોડાયેલું છે. તમને જણાવી દઈએ કે દરગાહની દેખભાળ કરનારા લોકોને ‘ખાદિમ’ કહેવામાં આવે છે. અધિકારીઓએ જણાવ્યું કે દેવનાનીએ અગાઉ RTDCને જિલ્લા કલેક્ટર કચેરીની સામે સ્થિત હોટલનું નામ બદલવાની સૂચના આપી હતી. તેમણે કહ્યું કે હોટલનું નામ, જે પ્રવાસીઓ, અધિકારીઓ અને સ્થાનિકોમાં લોકપ્રિય છે, તે અજમેરના સમૃદ્ધ સાંસ્કૃતિક ઇતિહાસ, વારસા અને ઓળખને પ્રતિબિંબિત કરે છે.