અમદાવાદ જિલ્લા ચૂંટણી અધિકારી અને કલેકટર પ્રવીણા ડી. કે. તથા ચૂંટણીના ઓબ્ઝર્વરઓની ઉપસ્થિતિમાં સ્ટાફનું થર્ડ રેન્ડમાઇઝેશન કરાયું|Ahmedabad District Election Officer and Collector Praveena

અમદાવાદ જિલ્લા ચૂંટણી અધિકારી અને કલેકટર પ્રવીણા ડી. કે. તથા ચૂંટણીના ઓબ્ઝર્વરઓની ઉપસ્થિતિમાં સ્ટાફનું થર્ડ રેન્ડમાઇઝેશન કરાયું

Google ન્યુઝ માં જોડાવા માટે અહીં ક્લિક કરો :

By Weu Network 5, May 2024

- કમ્પ્યૂટરાઇઝ પદ્ધતિથી કરવામાં આવેલ થર્ડ રેન્ડમાઈઝેશન દ્વારા અમદાવાદ જિલ્લાના મતદાન મથકો માટે અંદાજે 24,000થી વધુ ચૂંટણી સ્ટાફની ફાળવણી કરાઈ

અમદાવાદ, રવિવાર

ગુજરાતમાં લોકસભાની સામાન્ય ચૂંટણી આગામી તારીખ 7 મે-2024ના રોજ યોજાનાર છે. આ ચૂંટણીના મતદાન માટે હવે ગણતરીના કલાકો બાકી રહ્યા છે ત્યારે અમદાવાદ જિલ્લા ચૂંટણી અધિકારી અને કલેકટર પ્રવીણા ડી. કે. તથા ચૂંટણી પંચ દ્વારા અમદાવાદ જિલ્લામાં સમાવિષ્ટ પાંચ લોકસભા મતવિસ્તારોના ચૂંટણી ઓબ્ઝર્વર સર્વે વિનયકુમાર, અભિનવ ચંદ્રા, પુનિત યાદવ અને શશીપ્રકાશ જહાની ઉપસ્થિતિમાં ચૂંટણી ફરજમાં રોકાયેલા સ્ટાફનું થર્ડ રેન્ડમાઇઝેશન કરવામાં આવ્યું હતું. કમ્પ્યૂટરાઇઝ પદ્ધતિથી કરવામાં આવેલા આ થર્ડ રેન્ડમાઈઝેશન દ્વારા અમદાવાદ જિલ્લામાં સમાવિષ્ટ 21 વિધાનસભા મતવિસ્તારના મતદાન મથકો માટે અંદાજે 24,000 વધુ ચૂંટણી સ્ટાફની ફાળવણી કરવામાં આવી છે. જે તેમને સોંપાયેલા મતદાન મથકો પર પહોંચી જઈને ચૂંટણીના દિવસે મતદાનની પ્રક્રિયા કરાવશે.

લોકસભા સામાન્ય ચૂંટણી મુક્ત, ન્યાયી અને શાંત વાતાવરણમાં યોજાય તે માટે ચૂંટણીમાં રોકાયેલા તમામ સ્ટાફને સમયાંતરે તાલીમો આપીને સજ્જ કરવામાં આવેલા છે તથા ચૂંટણી તંત્ર દ્વારા મતદાન મથક પર કરવામાં આવેલ વ્યવસ્થાની પણ ચકાસણી કરવામાં આવી છે. ચૂંટણી દરમિયાન કાયદો અને વ્યવસ્થાની ચુસ્ત જાળવણી માટે ઉચ્ચ પોલીસ અધિકારીઓ સંકલન કરી સઘન સુરક્ષા વ્યવસ્થા ગોઠવવામાં આવી છે. આ પ્રસંગે અમદાવાદ પૂર્વના ચૂંટણી અધિકારી અને જિલ્લા વિકાસ અધિકારી વિદેહ ખરે, ચૂંટણી સ્ટાફના નોડલ અધિકારી અને નિવાસી અધિક કલેકટર સુધીર પટેલ, અધિક જિલ્લા ચૂંટણી અધિકારી યોગેશ ઠક્કર અને સુશ્રી નેહા ગુપ્તા સહિત ચૂંટણી સબંધિત અધિકારીઓ ઉપસ્થિત રહ્યા હતા.ગુજરાત, દેશ અને વિશ્વભરના સમાચાર તમારા વૉટ્સએપમાં મેળવવા માટે આ લીંક પર ટચ કરો અને અમારા ગ્રુપના સભ્ય બનો