દહેગામના 400 થી વધુ વિદ્યાર્થીઓની શિષ્યવૃતિ બાકી : વિદ્યાર્થીઓએ ગાંધીનગર ખાતે પહોંચી ઉગ્ર રજુઆત કરી |More than 400 students of Dehgams scholarship pending Students reached Gandhinagar and protested

દહેગામના 400 થી વધુ વિદ્યાર્થીઓની શિષ્યવૃતિ બાકી : વિદ્યાર્થીઓએ ગાંધીનગર ખાતે પહોંચી ઉગ્ર રજુઆત કરી

Google ન્યુઝ માં જોડાવા માટે અહીં ક્લિક કરો :

By Weu Network 23, September 2024

- તાત્કાલિક ધોરણે શિષ્યવૃત્તિની ચુકવણી કરવામાં આવે તેવી માંગ

- 2 દિવસમાં ચુકવણી કરવામાં નહિ આવે તો દહેગામ તાલુકાના તમામ વિદ્યાર્થીઓએ ઉગ્ર આંદોલનની ચીમકી ઉચ્ચારી

દહેગામ, સોમવાર

સરકાર અનેક યોજનાઓ અને સહાયની જાહેરાત તો કરતી હોય છે, પરંતુ આ સહાય મેળવવા માટે પ્રજાએ હેરાન-પરેશાન થવું પડતું હોય છે. ત્યારે સરકાર દ્વારા ગયા વર્ષની શિષ્યવૃત્તિ વિદ્યાર્થીઓને આપવામાં આવી નથી.દહેગામના 400 થી વધુ વિદ્યાર્થીઓની શિષ્યવૃતિ બાકી હોવાથી તેઓ ગાંધીનગર ખાતે ઉગ્ર રજુઆત કરવા પહોંચ્યા હતા અને 2 દિવસમાં શિષ્યવૃતિ આપવામાં આવે તેવી માંગ કરવામાં આવી છે.

દહેગામ તાલુકાનાના અંદાજે 400 થી વધુ વિદ્યાર્થીઓની શિષ્યવૃતિ ગયા વર્ષની બાકી હોય 1 વર્ષ પૂરું થઈ ગયું પણ હજી સુધી શિષ્યવૃતિ આવી નથી. ત્યારે દહેગામ તાલુકાના અલગ અલગ ગામથી 100 થી વધુ વિદ્યાર્થીઓ ગાંધીનગર ખાતે ઉગ્ર રજુઆત કરવા પહોંચ્યા હતા. વિધાર્થીઓએ વર્ષ 2023-24 ની શિષ્યવૃત્તિ તાત્કાલિક ધોરણે આપવા બાબતે નિયામક વિકસતી જાતિ કલ્યાણ, જીવરાજ મહેતા ભવન ખાતે રજૂઆત કરી છે. ગુજરાત સરકાર અને કેન્દ્ર સરકારના વિદ્યાર્થીઓને અપાતી શિષ્યવૃતિ પોસ્ટ મેટ્રિકની ગયા વર્ષની એટલે વર્ષ 2023 24 શિષ્યવૃત્તિ હજુ સુધી વિદ્યાર્થીઓને આવી નથી. તો તેઓએ રજૂઆતો કરી છે. તેમના જણાવ્યા પ્રમાણે આ ગરીબ બાળકોની શિષ્યવૃત્તિ રોકીને એમના સાથે અન્યાય કરીને આગળનો અભ્યાસ રોકાઈ ગયો જેવી પરિસ્થિતિનું નિર્માણ થયું છે.આથી તાત્કાલિક ધોરણે શિષ્યવૃત્તિની ચુકવણી કરવામાં આવે તેમજ 2 દિવસમાં ચુકવણી કરવામાં નહિ આવે તો દહેગામ તાલુકાના તમામ વિદ્યાર્થીઓએ ઉગ્ર આંદોલનની ચીમકી ઉચ્ચારી છે. ગુજરાત, દેશ અને વિશ્વભરના સમાચાર તમારા વૉટ્સએપમાં મેળવવા માટે આ લીંક પર ટચ કરો અને અમારા ગ્રુપના સભ્ય બનો