ઓસ્ટ્રેલિયા પ્રવાસ માટે ટીમ ઈન્ડિયાની કરાઇ જાહેરાત|Team India announced for Australia tour

ઓસ્ટ્રેલિયા પ્રવાસ માટે ટીમ ઈન્ડિયાની કરાઇ જાહેરાત

Google ન્યુઝ માં જોડાવા માટે અહીં ક્લિક કરો :

By Weu Network 26, October 2024

- ભારતીય ક્રિકેટ કંટ્રોલ બોર્ડે ઓસ્ટ્રેલિયા પ્રવાસ માટે ટીમ ઈન્ડિયાની જાહેરાત કરી છે

- રોહિત શર્માની કપ્તાની હેઠળ 5 ટેસ્ટ મેચની આ શ્રેણી માટે 18 ખેલાડીઓની ટીમ પસંદ કરવામાં આવી છે

નયુડીલહી, શનિવાર

ભારતીય ક્રિકેટ કંટ્રોલ બોર્ડે ઓસ્ટ્રેલિયા પ્રવાસ માટે ટીમ ઈન્ડિયાની જાહેરાત કરી છે. રોહિત શર્માની કપ્તાની હેઠળ 5 ટેસ્ટ મેચની આ શ્રેણી માટે 18 ખેલાડીઓની ટીમ પસંદ કરવામાં આવી છે. 22 નવેમ્બરથી શરૂ થનારી આ શ્રેણી માટે પસંદગી સમિતિએ કેટલાક મોટા અને આશ્ચર્યજનક નિર્ણયો લીધા છે. ન્યુઝીલેન્ડ સામેની પુણે ટેસ્ટ મેચમાંથી બહાર થવા છતાં કેએલ રાહુલને ટીમમાં રાખવામાં આવ્યો છે, જ્યારે અભિમન્યુ ઇશ્વરનને બેકઅપ ઓપનર તરીકે સ્થાન મળ્યું છે. જેની આશંકા હતી તે થયું. ફિટનેસ સાથે સંઘર્ષ કરી રહેલા સ્ટાર ફાસ્ટ બોલર મોહમ્મદ શમીને ટીમમાં સ્થાન મળ્યું નથી. આ શ્રેણી સિવાય દક્ષિણ આફ્રિકા સામેની ટી-20 શ્રેણી માટે પણ ટીમની જાહેરાત કરવામાં આવી છે.અમારા ઇન્સ્ટાગ્રામ પેજને ફોલો કરવાં માટે અહીં ટચ કરો

એક તરફ પુણે ટેસ્ટ મેચમાં ટીમ ઈન્ડિયા મુશ્કેલ પરિસ્થિતિમાં ફસાઈ ગઈ હતી, તો બીજી તરફ બીસીસીઆઈએ આ દરમિયાન ટીમની જાહેરાત કરી હતી. તમામ અટકળો પર પૂર્ણવિરામ મુકતા પસંદગી સમિતિએ શમીની પસંદગી ન કરવાનો નિર્ણય લીધો છે. ઈજાના કારણે તે છેલ્લા એક વર્ષથી મેદાનની બહાર છે. સ્ટાર સ્પિનર કુલદીપ યાદવ પણ આ સિરીઝનો ભાગ નહીં હોય. બીસીસીઆઈએ પ્રેસ રિલીઝમાં કહ્યું કે કુલદીપ લાંબા સમયથી જંઘામૂળની સમસ્યાથી પીડાઈ રહ્યા છે અને તેના ઈલાજ માટે તે બેંગલુરુમાં બીસીસીઆઈની મેડિકલ ટીમની દેખરેખ હેઠળ કામ કરશે.

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, સરફરાઝ ખાન, કેએલ રાહુલ, ઋષભ પંત (વિકેટકીપર), ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર અશ્વિન. વોશિંગ્ટન સુંદર, નીતિશ કુમાર રેડ્ડી, મોહમ્મદ સિરાજ, આકાશ દીપ, પ્રસિદ્ધ કૃષ્ણ અને હર્ષિત રાણા.