માણસા હાઇવે પર હીટ એન્ડ રનની ઘટના, બે દીકરીઓએ પિતાની છત્રછાયા ગુમાવી|an unknown person hit killed a man family members filed a complaint

માણસા હાઇવે પર હીટ એન્ડ રનની ઘટના, બે દીકરીઓએ પિતાની છત્રછાયા ગુમાવી

Google ન્યુઝ માં જોડાવા માટે અહીં ક્લિક કરો :

By Weu Network 1, March 2024

- પરિવાર પર આભ ફાટ્યુ, બે દીકરીઓએ પિતાની છત્રછાયા ગુમાવી

- પરિવાર મૂળ પાટણના રાધનપુરનો છે, માણસા અને દિયોદરમાં હાલ વસવાટ કરે છે

માણસા, શુક્રવાર

રસ્તા પર આવતા જતા કેટલીક વખત એવા અકસ્માત થાય છે કે તેમાં કેટલાક લોકોને જીવ ગુમાવવાનો પણ વારો આવે છે. પરિવારના એક સભ્યના મૃત્યુથી આખા પરિવાર પર જાણે આભ તૂટી પડે છે. આવો જ એક કિસ્સો મૂળ પાટણના રાધનપુરના પરિવાર સાથે બન્યો છે. આ પરિવાર બનાસકાંઠાના દિયોદર ખાતે રહે છે. આ પરિવારના એક સભ્ય લાલાભાઈ બળવંતભાઈ રાવળે પોલીસ સ્ટેશનમાં પોતાના ભાઈને કોઈ અજાણ્યા વાહન ચાલકે ટક્કર મારી હોવાની ફરિયાદ નોંધાવી છે. આ ઘટનામાં ફરિયાદીના ભાઈનું મૃત્યુ થયું છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

લાલાભાઈ બળવંતભાઈ રાવળના મોટાભાઈ ટીનાભાઈ બળવંતભાઈ રાવળ માણસામાં રહે છે. ટીનાભાઈ ગુરૂવારે પોતાનું વાહન લઈ બાપુપુરાથી માણસા જઈ રહ્યા હતા. એ વખતે તેમને કોઈ અજાણ્યા વાહન ચાલેકે બેફામ રીતે વાહન ચલાવીને ટક્કર મારી હતી. આ ઘટનામાં ટીનાભાઈને માથાના ભાગે, પાછળના ભાગે તેમજ કપાળના ભાગે ઇજા પહોંચી હતી. તેના કારણે તેમને તાત્કાલિક હોસ્પિટલ ખસેડવામાં આવ્યા હતા.ગંભીર ઇજાના કારણે ટીનાભાઈનું સારવાર દરમિયાન મૃત્યુ થયું હતું. સમગ્ર મામલે ટીનાભાઈના પરિવારજનોએ અજાણ્યા શખ્સ વિરૂદ્ધ ફરિયાદ નોંધાવી છે. ટીનાભાઈના મૃત્યુના કારણે તેમના પરિવાર પર આભ ફાટી પડ્યું છે. તેમની માતા સહિત પરિવાર દુ:ખમાં સરી ગયો છે. મૃત્યુ પામનાર ટીનાભાઈની બે દીકરીઓએ પણ પિતાની છત્રછાયા ગુમાવી દીધી છે. (તસવીર પ્રતિકાત્મક છે)ગુજરાત, દેશ અને વિશ્વભરના સમાચાર તમારા વૉટ્સએપમાં મેળવવા માટે આ લીંક પર ટચ કરો અને અમારા ગ્રુપના સભ્ય બનો